بسم الله الرحمن الرحيم
اليكم هذه الخربشااااااااااااااااات الحساميه
اتمنى أن تنال اعجااااااااااااااااااابكم واستحسانكم
***
قالت خبر ماهو خبر
مثل المطر لأمطر حجر
مثل البرد فوق الشجر
اسمع وقلبك لا يميل
انت الأمل وانت الأصل
وانت الحبيب اللي وصل
وانت الخيال اللي حصل
اسمع وقلبك لا يميل
انت الحنان اللي قريب
وانت المحبه والحبيب
وانت الامان انت الطبيب
اسمع وقلبك لا يميل
انت القمر نوره يشع
وانت السراج اللي سطع
وانت الأمير اللي برع
اسمع وقلبك لا يميل
انت الحياه الهانيه
وانت العيون الحانيه
معك السعاده دانيه
لكن قلبك لا يميل
انت الشموع انت الحياه
وانت السعاده والهناه
وانت الرضا منهو بغاه
اسمع وقلبك لا يميل
حبك بقلبي ما يضيع
مثل الحليب عند الرضيع
وان قلت انت اغلا الجميع
اسمع وقلبك لا يميل
قلبي لقلبك وش يقووول
ما يستمع قول العذول
مرسال حبك لا يطول
اسمع وقلبك لا يميل
وش تعتقد بعد الكلام
وش تنتظر بعد السلام
وش هو مصيرك بالتمام
اسمع وقلبك لا يميل
يشهد على صدق المحبه
الرمش يوم الدمع صبه
والقلب يوم الحب طبه
اسمع وقلبك لا يميل
هذا كلامي لك خصوص
اشعار في وسط النصوص
اغوص في حبك اغوص
اسمع وقلبك لا يميل
بعد المحبه والتفاني
البعد في دربه رماني
حظي ومع حظي زماني
اسمع وقلبك لا يميل
حاولت قدر المستطاع
اني معك في كل ساع
حاولت اقاوم للصداع
اسمع وقلبك لا يميل
كنت احسب ايام الهناء
واللي معك ما هي عناء
خططت وانهار البناء
اسمع وقلبك لا يميل
اعيش وانظر للشقاء
والدمع في خدي بقاء
لا تعتقد ضاع النقاء
اسمع وقلبك لا يميل
قالو ترى حبك خطير
لا عاد ترجين المصير
مع ذاك دربك كان غير
اسمع وقلبك لا يميل
وشلون افهمك الوفاء
والهم في عمري رباء
وشلون اوجه لك نداء
اسمع وقلبك لا يميل
هذا كلام اللي وفت
لو شمعت الدنيا طفت
ما انساك ما رجلي وقفت
اسمع وقلبك لا يميل
قلت الصراحه مره
والهم جر القلب جره
والروح من وضعك تشره
والقلب مع وضعك يميل
انا عرفت الحب صافي
والحب احد من الرهافي
ما يعرف ادروب التجافي
والقلب مع وضعك يميل
كنت احسب ايام السعاده
وابيع ليلي مع سواده
وانظر شروق الشمس عاده
والقلب مع وضعك يميل
لا تحسبني كنت غافل
معك الوفاء دربه قوافل
منهو شبيهك بالمحافل
والقلب مع وضعك يميل
اعرف كلامك وافهمه
طيفك ليا مر انهمه
والبعد والله لأهزمه
والقلب مع وضعك يميل
تدري وش اللي ما حسبته
تدري وش اللي ما فهمته
تدري نهاري لك قسمته
والقلب مع وضعك يميل
دورت غيرك ما لقيت
مره ومره وانتهيت
والعمر ينقص ما اهتنيت
والقلب مع وضعك يميل
نار الحزن متوقده
واحزان جت متوعده
والهم انا متوسده
والقلب مع وضعك يميل
خلاص يا طول التمادي
يا طول صوتي يوم انادي
عدو منهو لك يعادي
والقلب مع وضعك يميل
والدمع من عيني نشف
فهمت وضعك وارتشف
والتمر لو يصبح حشف
القلب مع وضعك يميل
هذا كلام اللي عرف
إن الهوى هم وسرف
حبك شرف عندي شرف
القلب مع وضعك يميل
ما كنت اعرف إن الفراق
مع حبنا سوى اتفااااااق
يا مر هاذاك المذااااااق
القلب من وضعك يميل
يعني خلاص إن النهايه
وصلت وزودتي عنايه
يعني بعيش اصل الحكايه
والقلب من وضعك يميل[center]
الأحد ديسمبر 30, 2007 10:30 am
